П И О Н Е Р

Чоршанбе, Июн 08 2022

Смесители для душа и ванны
Детские игрушки, развивающие игры

Принт

Ба муносибати 100 – солагии ташкилоти пионерӣ

Хазинаи боэътимод, Университети (хазинаи) кадрии беминнати давлат

Худидора

Бо барҳам хӯрдани давлати абарқудрати шуравӣ қариб сад дарсад ташкилоту муассисаҳои давлативу ҷамъиятӣ бо баҳонаи эъмори демократия ва таъсиси ҷумҳуриҳои алоҳида барҳам хӯрданд. Ҳоло он ки замони шуравӣ ташкилоту ниҳодҳои манфиатбахш зиёд буданд. Ва яке аз ниҳодҳои пураҳмият ташкилоти пионерӣ маҳсуб меёфт.

Хушбахтона пас аз соҳибистиқлолии Тоҷикистон ниҳоди мазкур бо ранги дигар дар кишвар арзи вуҷуд кард. Аммо он ба пояи ташкилоти пионерии замони советӣ муваффақ нагаштааст. Ё агар хуб бошанд ҳам дастгоҳи таблиғотии кишвар дар таблиғи он ба таври шоиста заҳмат намекашанд. Аз рӯи ақл бояд ҳар он чийе ки манфиатовар ё ба қавли дигар натиҷаи некбахшанда рӯ намегардонанд…

Пионер (франсузӣ pionnier - оғозкунанда), аъзои ташкилоти умумииттифоқии пионерӣ ба номи В. И. Ленин ва як қатор ташкилотҳои демократии бачаҳо дар мамлакатҳои хориҷа.

Бори аввал гурӯҳи коммунистии бачаҳо, ки соли 1922 дар Москва ташкил ёфт, номи пионерро гирифт. Қабул ба сафи пионер ба таври ихтиёрӣ гузаронда мешавад. Талаботи ташкилоти пионерӣ ба пионер, барномаи фаъолияти он дар ваъдаи тантанавии ҳангоми қабул дар шиори

«Дар мубориза ба кори Партияи Коммунистии Иттифоқи Советӣ тайёр бош!» ва ҷавоби «Доимо тайёр!» ифода шудааст.

Пионер рамзи револютсионии худ – байрақи сурх, байрақча, галстуки сурх, нишон, атрибутҳо – шайпур, нақора, форма (бо нишонҳои мухталиф); маросимҳо – салют, саф кашидан, линейка, баровардан ва барафроштани байрақ ва ғайра, бозиҳои анъанавии пионерӣ, идҳо ва ғайраро дорад.

Гурӯҳҳои синнусолӣ

Дар ташкилоти пионерӣ 3 гурӯҳи синну соли пионерӣ: 10 – 11 сола, 11 – 12 сола ва 13 – 15 сола ҳаст. Пионер дар қайди отряде меистад, ки дар синф ё ҷои истиқомат ташкил шудааст.

Пионер ба мақомоти худидоракунӣ, слётҳои умумиииттифоқии пионерӣ, ҷамъомадҳои (слётҳои) умумииттифоқии темурчиён, аскарони ҷавон, мухбирони ҷавон ва ғайра вакил интихоб шуда метавонад.

Пионерони фахрӣ

Ба пионероне, ки дар хониш, меҳнат, варзиш, корҳои ҷамъиятӣ пешқадаманд, ҳар хел мукофот муқаррар шудааст. Пионерони фахрӣ низ ҳастанд, Н. К. Крупская, М. Горкий, С. М. Будёний, К. Е. Ворошилов, К. Сеткин, Г. Димитров, Э. Телман, П. Толятти аз ҷумлаи аввалин пионерони фахрӣ буданд.

Пионероне, ки ба синни 14 даромаданд, ҳуқуқ доранд ба сафи комсомол - ВЛКСМ (бо тавсияи ҳатмии совети дружина) дохил мешаванд.

Пионер дар Тоҷикистон

1 сентябри соли 1924 Комитети комсомолии уезди Хуҷанд масъаларо дар бораи штаби пионерони ҷавон дида баромада, дар назди Комитети комсомолии уезд штаби мазкурро таъсис намуд, ки раиси он Х. Фузайлов буд. Абдуқодир Самадов, Миралӣ Холов, Абдусалом Исломов, Мирзо Турсунзода, Мусо Ёров ва дигарон аз ҷумлаи аввалин пионерони Тоҷикистон буданд.

Мансубият

Пионер – деҳа дар совети қишлоқи Панҷи ноҳияи Қумсангир. Ҳудуди хоҷагии колхози ба номи В. И. Ленин…

***

«ПИОНЕР», маҷаллаи ҳармоҳаи адабӣ – бадеӣ ва оммавӣ – сиёсии пионерон ва мактаббачагон. Органи КМ ВЛКСМ ва совети марказии Умумииттифоқии ташкилоти пионерони ба номи В. И. Ленин.

Аз соли 1924 дар ш. Москва нашр мешуд. Адади нашр дар соли 1984 зиёда аз 1,6 миллион нусха.

***

«Пионер», номи стансияҳои автоматии байнисайёравии амрикоӣ барои таҳқиқи системаи Офтоб, барномаи коркард ва сар додани онҳо. Солҳои 1958 – 1978 ба кайҳон 14 – то стансия сар дода шудааст...

***

«Пионери Тоҷикистон» газетаи ҷумҳуриявии пионерон, органи КМ ЛКСМ Тоҷикистон ва Совети ҷумҳуриявии ташкилоти пионерии ба номи В. И. Ленин.

Аз 5 апрели соли 1932 ба забони тоҷикӣ нашр мешавад. Адади нашри он соли 1983 281 368 нусхаро ташкил дод.

Алҳол ин рӯзнома таҳти унвони «Анбоз» ба чоп мерасад. Адади нашри он дар моҳи майи соли 2022 ба 9 ? ҳазор нусха расида.

Умар АЛӢ

30.5.2022